Главниот град на Велика Британија е на врвот од листата желби во 20-на земји, вклучувајќи ги и Шпанија, Холандија, Канада и Австралија.
Најчесто користените клучни зборови за пребарување на интернет се „Божиќ во Лондон“ и „работи кои треба да ги направите во Лондон за Божиќ“.
Виена во Австрија е вториот најпопуларен град за Божиќ, особено во Италија, Германија и САД.
На листата се десет најпопуларни градови за прославување на Божиќ, а најмногу од нив се наоѓаат во Европа.
Единствениот исклучок е Њујорк којшто се наоѓа на третото место кое го дели со Париз, но и Токио во Јапонија кој се наоѓа на седмото место кое го дели со Берлин, Минхен и Нирнберг во Германија, Амстердам во Холандија, Копенхаген во Данска и Стразбур во Франција.
Анализата на „Cloudvards.net“ покажала дека Европјаните во текот на Божиќ најчесто остануваат на својот континент. Доколку патуваат, одат во соседните земји, главно во градовите Виена и Будимпешта.
За Британците, Прага е совршено место за божиќен одмор, а за Французите тоа е Брисел. Португалците го сакаат Париз, а Австријците Нирнберг.
Најпопуларните градови за прослава на Божиќ според анализата на „Cloudvards.net“:
Лондон, Обединето Кралство
Виена, Австрија
Њујорк, САД
Париз, Франција
Будимпешта, Унгарија
Мадрид, Шпанија
Прага, Чешка
Брисел, Белгија
Токио, Јапонија
Берлин, Германија
Минхен, Германијa
Нирнберг, Германија
Амстердам, Холандија
Копенхаген, Данска
Стразбур, Франција