Тој тоа го кажал по повод Денот на социјалните комуникации на Римокатоличката црква и признал дека и самиот бил жртва на монтирани фотографии, создадени со помош на вештачката интелигенција, пренесува „Reuters“.

Поглаварот на Римокатоличката црква исто така зборувал за „когнитивното загадување“ кое може да ја искриви реалноста, да промовира лажни наративи и да ги затвори луѓето во идеолошки ехо комори.

„Треба само да размислиме за долготрајниот проблем со дезинформациите во вид на лажни вести, кои денес можат да влијаат на создавање и ширење на слики кои изгледаат совршено уверливо, но се лажни. И самиот бев жртва на ова“, рекол папата.

Франциско минатата година бил субјект на модифицирани фотографии во кои е прикажан како носи „puffer“ капут.

Тој исто така зборувал за опасноста од вештачката интелигенција во медиумите, посебно за известувањето за војни, додавајќи дека „AI“ мора да ја поддржи, а не да ја елиминира улогата на новинарите.