На социјалните мрежи кружи бизарна снимка од московската галерија, каде чувар се обидел да изеде уметничко дело.
Oрганизаторите на изложбата за современа уметност во центарот ВДНКх минатата недела забележале дека на една од инсталациите му недостасува „главниот протагонист“ и веднаш ја прегледале снимката од безбедносните камери. Малку е да се каже дека биле шокирани од глетката.
Уметничкото дело претставува сад со вода од коj ѕирка златна рипка, додека друга се обидува да избега и скока покрај сликата на отворено море.
Инсталацијата симболично го добила името „Бегството на златната рипка“, а очигледно му паднала в очи на еден чувар, пренесува „Одити сентрал“ (Oddity Central).
На видеото можете да видите како заинтригирано му приоѓа на садот, па ја вади златната рипка од држачот, ја мириса и се обидува да ја гризне.
Obezbeđenje muzeja probalo deo umetničke postavke pic.twitter.com/GylmobqAqd
— Rade Fantastični (@RFantasticni) February 9, 2024
Кога организаторите го забележале проблемот, ги провериле камерите, а потоа го соочиле чуварот со бизарното откритие.
Тој, наводно, ги кренал рамениците и објаснил дека имал тешка ноќ со мошне малку сон и дека не разбрал што прави. Веднаш бил суспендиран од работа, а инсталацијата по неколку дена била вратена во изложбениот простор.