Во ова модерно друштво, романтиката на рачно напишани љубовни писма исчезнува. Технологијата го заменува карминот со емотиконите, а интернетот ја откажува чарот на долгите редови на лубовните реченици. Заедно со брзата комуникација, изгледа дека ја губиме уметноста на изразување на љубовта со пенкало и хартија. Но, можеби во оваа брза ера, е време да ја повратиме магијата на рачно напишаните пораки и да се потсетиме на вредноста на тие нежни зборови што траат покрај времето.

Пишувањето љубовни писма е своевидна уметност сама по себе. Низ текот на вековите се напишани прекрасни љубовни писма од кои повеќето се зачувани и до ден денес служат за восхит, но и инспирација. Некогаш за најубаво љубовно писмо на сите времиња беше изгласано писмото што легендарниот музичар Џони Кеш и го има испратено на својата сопруга Џун за нејзиниот 65-ти роденден.

Инаку Џони и Џун се венчале 1968 година и биле заедно повеќе од 30 години. Џун почина во 2003 година, а само неколку месеци подоцна почина и Џони Кеш. Во продолжение прочитајте го прекрасното писмо.

„Среќен роденден, принцезо.

Старееме и се навикнуваме еден на друг. Исто размислуваме. Си ги читаме мислите еден на друг. Знаеме што другиот сака,  без да прашаме. Понекогаш еден на друг си одиме на нерви. Понекогаш се земаме здраво за готово.

Но, понекогаш, како денес, размислувам за се и ми станува јасно колку сум среќен што го поминав животот со најдобрата жена којашто сум ја запознал. И се уште ме фасцинираш и инспирираш. Ме поттикнуваш да бидам подобар. Ти си објектот на моите желби и главната причина за моето постоење. Многу те сакам.

Среќен роденден, принцезо.

Џон“