Општина Чаир  се соочува со сериозен предизвик во врска со управувањето со отпадоците и чистотата на јавните простори.

Преполните контејнери и гомилите со ѓубре станаа предмет на негодување кај граѓаните, кои го изразуваат своето незадоволство на социјалните мрежи. На Фејсбук граѓаните на општина Чаир споделуваат фотографии и видеа на преполните контејнери и навалите на ѓубре во различни делови на општината.

„Чаир е окупиран од ѓубре како никогаш досега. Тие што ја водат општината треба да ја напуштат големата политика и да се симнат на локално ниво каде што им е местото“, пишува еден граѓанин алудирајќи на тоа дека градоначалникот повеќе се занимава со висока политика отколку со локалните проблеми.