Речиси четвртина од жителите на Брисел се државјани на други земји од ЕУ, а нивниот број во тој регион никогаш не бил поголем.

Редовниот извештај на Мини-Бру, бриселскиот Институт за статистика и анализа, покажува дека во 2023 година во регионот на белгискиот главен град живееле 287.590 луѓе со државјанство на друга европска земја, или 23,2 отсто од вкупното население.

Повеќето од нив се француски државјани – 69.984. На второ место се државјаните на Романија – 46.572, чиј број е речиси тројно зголемен од 2010 година.

На трето место по бројност во Брисел се италијанските државјани – 35.929.

Најмалку, помалку од 1.000 граѓани на Малта, Кипар и Естонија се во Брисел.

Меѓу странците во Брисел, најмлади се Романците со просечна возраст од 32 години, а најстари се Луксембуржаните со просечна возраст од 42 години.

Од друга страна, Брисел има најголем процент на жени од Естонија, бидејќи жените сочинуваат 70 отсто од жителите со естонски пасоши кои живеат во главниот град на Белгија.