Австриската министерка за ЕУ, Каролине Едштадлер ја повика Европската унија да преземе чекори доколку сака своите зборови за солидарност кон Западен Балкан да ги усогласи со акции. Нејзиното барање е во пресрет на објавувањето на извештаите за напредокот на земјите што е закажано за утре во Брисел.
Таа предлага одржување на меѓувладини конференции со Македонија и Албанија на почетокот на следната година.
“The EU must take the lead in the Western Balkans” ⬇️ (1/13) pic.twitter.com/flZPjfRzGj
— Karoline Edtstadler (@k_edtstadler) November 7, 2023
„Ниту еден од овие чекори не ги поштедува земјите од исполнување на критериумите пред евентуално членство во Унијата. Во оваа фаза ЕУ треба да преземе чекор и да обезбеди доказ дека сме сериозни за европската иднина на регионот. На шесте земји од Западен Балкан – Македонија, Албанија, Босна и Херцеговина, Црна Гора, Косово и Србија им е ветена иднина во ЕУ уште пред 20 години. Преговрите се отворени со четири земји, но сите се закочени. Неопходните реформи сѐ уште се отворени, а големи проблеми остануваат нерешени. Но, на крајот, процесот на проширување значи давање и земање. Промените барат мотивација и политичка волја. Населението во регионот на многу места повеќе не верува во реалната можност за пристапување и се приближи кон руските или кинеските наративи. Затоа ЕУ мора да преземе водство на Западен балкан и да даде нов моментум во пристапниот процес“, вели Едштадлер.
