Берлинската полиција ги предупреди денеска граѓаните на сомнението дека е присутна лавица на слобода во југозападно предградие на германската престолнина.
Јавниот сервис РББ јави дека во тек е полициска потрага по лавицата во која учествуваат хеликоптер и противпожарни бригади.
Животното, за кое постои сомневање дека е побегната лавица, наводно било забележано денеска во регионот Потсдам во предградие на главниот град на Германија, соопшти полицијата, пренесе Дојче веле (ДВ).
Полицијата соопшти дека во акцијата за пронаоѓање на животното учествуваат и ветеринари и ловџии.
Полицијата соопшти дека информациите за присуството на животното добила од сведоци кои го снимиле како напаѓа и убива дива свиња.
