Mаркетинг агенција во Тетово распиша конкурс на кој ги повика заинтересираните да го дизајнираат логото за градот Тетово. Повикот споделен и на профилите на социјалните мрежи на општината.
Од маркетинг агенцијата наведуваат дека целта е да се создаде ново заштитно лого (ознака) на Тетово за промоција на градот.
„Логото ќе се користи во сите туристички информативни центри и промотивни материјали како маици, капи, чанти и магнети., кои ќе им бидат понудени на туристите и посетителите. Цената за дизајнот на новото лого ќе биде 50.000 денари“, се наведува во повикот.
За повеќе активности за брендирање и промоција на градот, општината мора да плати над 32 илјади евра. Договорот меѓу општина Тетово и маркетинг агенцијата за „Подготовка и изработка на промотивни материјали и брендирање на градот“ е објавен во електронскиот систем за јавни набавки.
„Изведувачот ќе ги изврши услугите во вкупна вредност од 2.003.649 денари без ДДВ, согласно член 2 од Договорот.
Двете страни се договорија на 15 февруари 2023 година, а договорот е со важност од една година.