Загризувањето на јадицата на реката Вардар е активност која на околу десеткилометарската долина на реката секој ден собира риболовци со различни цели и мотивација.
За некои, риболовот на Вардар претставува спорт и начин за релаксација и рекреација, за други реката Вардар е многу повеќе од спорт. Риболовот им претставува важен извор на приходи и начин за преживување.
„Има луѓе што живеат од ова работа, ќе извади 5 или 6 килограми и ќе заработи 150 или 200 денари„
Ова е една од неколкуте изјави на рибарите покрај Вардар. Некои пензионери ловеа риба за рекреација, а други за да ги наполнат своите рибарски мрежи.
Првиот што го сретнавме беше пензионер кој лови риба само за рекреација.
„Согласно законот рибата не треба да се зема. Ова е спорт и јас сум спортист скоро 68 години. А за консумација дали се безбедни или не, имаш ли информации? Да ви кажам право после една година сум излегол покрај Вардар, но дали е безбедно или не, здруженијата нека не известат. Имаме здруженија кои ги плаќаме и треба да знаат се. Рибарот само сака да фати риба и да ја стави во торба“, истакна еден пензиониран рибар.
А кога беше прашан дали фати некоја риба, тој рече дека „досега не фатил риба“.
Додека овој пензиониран рибар чекал да фати риба, на друг му се посмеа среќата, фати риба и не размислуваше два пати туку веднаш ја стави во вреќата, иако поради загадувањето на Вардар, шутот зад него го зафатил кракот на мостот.
Не мора да си експерт за вода за да знаеш дека Вардар е загаден, затоа што се гледа со голо око, но дали рибата од Вардар е безбедна за консумирање беше прашан раководителот за хигиена на Центарот за јавно здравје:
„Центарот за јавно здравје врши увид во површинските води, односно реките Вардар, Лепенц и Пчиња. Бактериолошки, реката Вардар е постојано во четврта категорија и е највисока категорија на загадување. (2:18) Како доктор, им советувам на граѓаните да купуваат риба од рибници каде што условите за складирање, квалитетот и храната со која се хранат се загарантирани затоа што на пазарите можеме да најдеме речна риба без да размислиме дека можеби имало хемиско труење од излевање хемикалии во реките“, рече Лупчо Костадиновски – специјалист по хигиена и здраствена екологија.
Според загаденоста, реката Вардар важи за една од најзагадените реки, чија вода, според анализите, се смета за опасна и за миење и за наводнување.
Извор: Redakцијa.mk
