Санкционирани 147 возачи во Скопје во вчерашната акција на скопскиот Сектор за внатрешни работи, информираат од МВР.

Од изречените 147 мерки, осум санкции се за возење повеќе од дозволената брзина, 14 за возење без возачка дозвола, девет за возење под дејство на алкохол.

– Изречени се шест мерки за користење мобилен телефон при возење, шест санкции за минување на затворен сигнал (црвено светло), четири мерки за нерегистрирани возила и други, соопштуваат од полицијата.

Сообраќајните контроли продолжуваат и во наредните денови.