Од 17:45 часот повторно е нормализиран јавниот градски сообраќај во Скопје, изјави претседателот на Синдикатот на ЈСП Скопје, Миќо Стојановски.

-Од 17:45 часот нормално работи третата смена во јавниот градски превоз во Скопје и автобусите на ЈСП, но и автобусите на приватните превозници, изјави Стојановски за МИА.

Денеска јавниот градски превоз од 9:00 часот беше во прекин се до изгласувањето на одлуката за доделување собвенции на јавното сообраќајно претпријатие ЈСП Скопје на вонредната седница на Советот на Град Скопје.

Веднаш по седницата Стојановски најави дека од утре од 4:45 часот сигурно ќе има нормален градски превоз во Скопје и додаде дека во Синдикатот дополнително ќе се догворат дали денеска  од 17 до 24 часот ќе има јавен градски превоз.