Унгарската Влада ќе испрати три противпожарни возила како помош за Македонија во справувањето со пожарите.

Ова го потврдил унгарскиот министер за надворешни работи Петер Сијарто во разговор со неговиот македонски колега Тимчо Муцунски, пренесува унгарскиот портпарол Золтан Ковач.

„Со летните топлотни бранови жал ни е што слушаме за огромни шумски пожари во нашето пошироко соседство. За жал нашите северномакедонски пријатели сега се соочуваат со екстремни предизвици предизвикани од такви пожари. Како пријатели мораме да им помогнеме„ изјавил Сијарто.

Придавката северномакедонски не постои и Министерството за надворешни работи досега постојано реагирало на секоја употреба на несоодветната придавка.

Но, до овој момент МНР се уште нема своја реакција, а министерот за надворешни работи Тимчо Муцунски има обврска да му објасни на својот колега од Унгарија дека не постојат северномакедонски, туку Македонци од Северна Македонија.