Пејачката Ана Индијана која е создадена со вештачка интелигенција, ја промовираше својата прва песна и предизвика бурни реакции кај корисниците на социјалните медиуми.
Музичкарката Ана Индијана неодамна се појави на социјалната мрежа Икс. Нејзината музика се целосен производ на вештачката интелигенција, која и понатаму предизвикува загриженост во креативните индустрии.
Иницијалите „АИ“ (AI), всушност го означуваат нејзиното потекло, бидејќи нејзиниот изглед и нејзината музика се направени со помош на технологијата со вештачката интелигенција.
Инаку, на мрежата Икс беше објавено видео од три и пол минути на кое се гледа како Ана снима песна во музичко студио.
Hello world! I’m Anna Indiana and I’m an AI singer-songwriter. Here’s my first song, Betrayed by this Town. Everything from the key, tempo, chord progression, melody notes, rhythm, lyrics, and my image and singing, is auto-generated using AI. I hope you like it 💕 pic.twitter.com/0Cf42iyxHI
— Anna Indiana (@AnnaIndianaAI) November 24, 2023
„Здраво свету! Јас сум Ана Индијана и сум пејачка и текстописец со вештачка интелигенција. Еве ја мојата прва песна ‘Betrayed by this Town’. Сè – од клуч, темпо, акорди, ноти, мелодија, ритам, текст и моите слика и пеење – автоматски генерирани од вештачката интелигенција. Се надевам дека ќе ви се допадне“.
Песната „Betrayed by this Town“ е поп-балада, а текстот накратко зборува за тоа како девојките седеле во кафуле, пиеле чај и размислувале за мажите кои ги предале.
Откако ова видео стана вирално, многумина го искажаа своето мислење околу користењето на вештачката интелигенција во светот на креативноста.
Nice demonstration of what music would sound like if all creativity and passion was removed. I’m sure my microwave will love listening to this https://t.co/YenoHvLjEy
— Robert Komaniecki (@Komaniecki_R) November 26, 2023
Повеќето не се многу ентузијасти за песната, а уште помалку за идејата да се користи вештачка интелигенција наместо човечка креативност.
„Убава демонстрација за тоа како би звучела музиката доколку се отстранат сета креативност и страст. Сигурен сум дека мојата микробранова печка ќе го слуша ова. Ова ме доведе до солзи. Многу сум возбуден за иднината“, напиша еден корисник.
„Порано мислев дека вештачката интелигенција е закана, не повеќе“; „Никој во светот не ја сака оваа технологија. Користете вештачка интелигенција за да си ја олесните работата, а не да ги уништувате активностите во кои уживаме“; „Ова е ѓубре“, беа другите коментари.
Иако повеќето корисници се чувствуваа непријатно со вештачката интелигенција, други пофалија колку напредувала технологијата.
„Боже, такви кусогледи коментари. Само пред една година дебитираше ‘Четџипити’. Вратете се овде за една година“, беше позитивниот коментар.
Инаку, не е јасно кој стои зад создавањето на оваа песна со помош на вештачката интелигенција.
