Кога се случува исчезнување на дете тоа претставува општествен шок. Проблемот со исчезнатите деца е општествено прашање кое особено ги загрижува полицијата, родителите, наставниците, и сите што се поврзани со благосостојбата на децата.
Незнаењето каде е вашето дете или како се однесува со него е една од најтешките работи со кои ќе треба да се соочите. Една минута ќе почувствувате наплив на надеж, во следната, длабочина на очај што ќе го загрози вашиот здрав разум. Животот ќе стане емотивен тобоган што навистина нема да запре додека не можете повторно да го држите вашето дете во раце.
Овој текст нема за цел да создаде сензационализам, туку да ја подигне општата општествена свест за тоа како да се избегне небезбедната ситуација на евентуално киднапирање на дете. Деновиве сите сме шокирани од исчезнувањето на 14-годишното девојче Вања Ѓорчевска од Скопје, по која се трага четврти ден. За потрагата на Вања е формиран и специјален штаб на МВР. 14 годишното девојче исчезна во понеделникот наутро на пат кон училиштето Песталоци.
На социјалните мрежи е споделена видео во кое авторот вели дека неодамна во Србија беше пуштен во употреба системот „Најди ме“, создаден за потрага по изгубени деца.
„Не можев да поминам покрај оваа тема, бидејќи и самата сум мајка и оваа тема ме исполнува со грижи. Затоа, мојата ќерка, видеограф @bubnovfpv и јас го направивме ова видео“, вели Тсаркова Елена.
View this post on Instagram
Како вашето дете да оди на училиште и безбедно да се врати дома?
1 Направете најбезбеден пат – исполнети места, осветлени улици, регулирани раскрсници!
2. Избегнувајте опасни места: градилишта, гаражи, обраснати површини. Одете неколку пати со вашето дете по безбеден пат. Објаснете им дека не смеат да им го одвлекуваат вниманието од други работи (на пр. играње на детско игралиште); скратување и менување на трасата (дури и ако доцните).
3. ВАЖНО ЗАПАМЕТЕТЕ го телефонскиот број на еден од родителите напамет (и по можност и двајцата) – дури и ако вашето дете има свој мобилен телефон или часовник со СМС. Можат да се изгубат, уништат, скршат во најнеповолниот момент! Исто така, знајте ја домашната адреса и целосното име на родителите.
4. Во случај на опасност, покажете му на детето каде на вашиот пат може да влезе на безбедни места за да побара помош.
5. Објаснете кому е побезбедно да се обратите за помош (чувар, дуќанџија, мајка со дете).
6. Повторете ги правилата за патен сообраќај – преминете ја улицата на семафор или пешачки премин. Објаснете им дека не смеат да разговараат со непознати, особено ако некој им понуди нешто или ги покани.
Познавањето и следењето на овие едноставни правила значително го зголемува нивото на безбедност на вашето дете и мирот на родителите.
Назми Абдурахмани
