Претставник од синдикатот на ЈСП кој присуствуваше на седница на Советот на Град Скопје, откако советниците во Град Скопје на првата вонредна седница на Град Скопје не ги изгласаа субвенциите од 11 милиони евра за ЈСП Скопје револтиран од одлуката ги нападна советниците од ВМРО-ДПМНЕ кои не гласаа За предлогот.

Тој дури дојде до претседателот на Советот од редовите на ВМРО-ДПМНЕ, Трајко Славески и го прашуваше од каде тој и други вработени во ЈСП да најдат пари за леб кога се уште немаат земено плата.

-Како не ти е срам? Вие кај нас баравте гласови. Што ако е завршена седницата? Враќај се таму и решавај. Вашите деца не мрзнат, нашите мрзнат. Вие четири дена шетавте и знаете да земате паушали. Има луѓе кои живеат со една плата. На детето мое му беше роденден, не можев да му го прославам, се шетав по полициски станици со Миќо, рече синдикалецот.

Откако не беа изгласани субвенциите од 11 милиони евра за да може да се подели плата бидејќи ВМРО-ДПМНЕ не гласаше за одлуката со образложение дека не може постајно да им се даваат милионски суми на ЈСП.

Сепак, по неколку часа се одржа нова седница на Советот по што субвенциите за ЈСП беа изгласани и утре автобусите повторно ќе сообраќаат.

Извор 24 Инфо