Компанијата „Brother UK“, извршила истражување за да открие каде во Европа е најевтиното место за работа од далечина.
„Brother UK“ анализирал фактори како што се брзината на Wi-Fi мрежата, цената на изнајмување на стан, електрична енергија, како и безбедноста на местото и на секоја дестинација ѝ дал оцена од максимално 100 поени.
Најповолниот град за оние кои работат од далечина на оваа листа е Тузла, за кој навеле дека еднокреветен стан во центарот на градот чини околу 207 евра месечно, а човек да се храни надвор исто така е евтино – просечен оброк чини само 4.11 евра.
Романија е земјата која доминирала на листата најевтини градови, заземајќи 5 од 10 најдобри места. Трошоците за интернет во Орадеја кој го зазел второто место изнесуваат само 7,42 евра.
Погледнете ја целата листа:
1. Тузла, Босна и Херцеговина
2. Орадеја, Романија
3. Крајова, Романија
4. Пловдив, Бугарија
5. Јаш, Романија
6. Темишвар, Романија
7. Сибиу, Романија
8. Скопје, Македонија
9. Ниш, Србија
10. Сараево, Босна и Херцеговина
