И ова лето, одбојкарското игралиште на кејот на реката Вардар во Општина Аеродром ќе биде отворено за сите љубители на одбојката на песок.

– Термините се бесплатни и се закажуваат на телефонскиот број 076 960 180. Пожелно е да се резервира неколку дена однапред, информираат од општината. 

-Терените се отворени секој ден од 10 до 23 часот, при што еден термин е во времетраење од еден час. На теренот за одбојка низ целото работно време ќе бидат присутни и стручни лица кои ќе им помогнат на сите рекреативци подобро да се запознаат со овој спорт, доколку имаат потреба од тоа.