Заменик на Претседателот на Владата за европски прашања, Бојан Маричиќ на својот фејсбук профил им се заблагодари на искрени партнери во германскиот Бундестаг, за усвојувањето на резолуцијата со која ги потврдуваат и признаваат македонската култура, идентитет и јазик и нѐ охрабруваат со ваква посветеност и ангажман да останеме на европскиот пат.

-Германија потврди: Македонците со својот македонскиот јазик и култура во ЕУ. Голема благодарност за нашите искрени партнери во германскиот Бундестаг, за усвојувањето на резолуцијата со која ги потврдуваат и признаваат македонската култура, идентитет и јазик и нѐ охрабруваат со ваква посветеност и ангажман да останеме на европскиот пат, напиша тој.

Како што вели Маричиќ во Европската Унија, која се карактеризира со голема разновидност на јазици и култури, јазиците се составен дел од нашето заедничко културно наследство. Македонскиот јазик и култура дополнително ќе ја збогатат оваа разноликост”, јасно стои во резолуцијата.

-Никој не може да го одземе македонскиот идентитет и посебност, напротив македонската култура и јазик само ќе ја збогати Европската Унија, а 2023 е клучна година за европската иднина на Северна Македонија. Германија е цврсто посветена на европската перспектива на Северна Македонија и решително ја поддржува земјата на нејзиниот пат кон Европската Унија. Во последните години земјата се врати на реален и амбициозен евроатлантски курс и реформски процес“.Оваа резолуција потврдува дека се движиме во вистинската насока и нѐ охрабрува да вложиме максимални напори за да останеме активни во процесот на преговори, пишува Маричиќ.