ЈП „Градски паркинг“ би можел да остане без паркиралиштето на Клиничкиот центар, затоа што пред неколку месеци заврши договорот со кој Владата го даде на стопанисување на Град Скопје и јавното претпријатие во време на мандатот на поранешниот градоначалник Коце Трајановски.

Министерството за здравство побара да му се врати паркингот во кругот на Клиничкиот центар за стопанисување, користење, одржување и организирање, а од Владата потврдија дека до нив пристигнала информација со предлог-заклучоци.

Паркингот на Клинички има околу 800 паркинг места, а паркирање на возило за еден час чини 25 денари.