Иако сите сме родени со силно чувство на самодоверба, тоа се намалува кај многу луѓе во текот на нивниот живот. Ниското ниво на самодоверба може да ве направи нетолерантни кон туѓите критики или да имате потешкотии да верувате во себе и на другите.
Сепак, добрата вест е дека самодовербата може да се подобри, а еве како можете да го направите тоа:
- Разберете од каде доаѓа вашиот недостаток на самодоверба
Пронаоѓањето на причината може да помогне да се изгради поздрава и попозитивна самопочит. За да ја разберете причината, не е лошо за почеток да водите дневник. Ако ова не помогне, секогаш можете да се консултирате со терапевт.
- Разберете што значи за вас самодовербата
Одвојте малку време за да разберете што значи за вас чувството на самодоверба. Запрашајте се: „Како да знам дека сум достигнал/а задоволително ниво на самодоверба?“ Обидете се да се замислите како личност со самодоверба (помислете на некоја личност што ја познавате која зрачи со самодоверба). Можеби ќе почнете повеќе да зборувате на работа. Можеби конечно ќе ја облечете облеката што отсекогаш сте ја посакувале…
- Согласувајте се со себе
Колку повеќе одлуки донесувате според вашето вистинско јас и вашите желби, толку ќе бидете посигурни.
- Започнете со мали чекори
Повеќето луѓе не сакаат да менуваат многу одеднаш. Многу е важно работата за самоподобрување да започне со мали чекори. Еден од начините за градење самодоверба е да си давате ситни ветувања, кои лесно ќе ги исполните.
- Размислувајте за напредок
Овој начин на размислување ве поттикнува да истражувате надвор од вашите сегашни вештини и знаења, а можноста за подобрување секогаш ќе биде отворена. Наместо да користите фрази како „Не сум сигурен/сигурна“, само додајте „ сè уште“, што го претвора ова верување во „сè уште не сум сигурен/сигурна“.
- Понекогаш нема да успевате и тоа е во ред
Свесноста и прифаќањето дека неуспехот се случува и дека тоа е дел од животот ќе ви помогне да живеете поцелосно.
- Спротивставете се на вашиот внатрешен критичар
Гласот во нашата глава, кој понекогаш ни кажува дека не сме доволно добри, не е нашиот глас, туку збирот на гласовите на оние кои не критикувале во минатото. Спротивставувањето на старите критики може да создаде ново ниво на самодоверба.
Самодовербата е доверба во нашите вештини, избори и вредности. Тоа доаѓа од нас самите и се чувствува како внатрешно сфаќање на нашите силни и слаби страни. Имајте на ум дека сте единствени и дека со вашиот позитивен став и добра енергија можете да го промените светот на подобро.
