Колона од граѓани има пред Министерството за економија што чекаат ред за ваучери за инвертер клими. Граѓани од утрово со саати чекаат да поднесат барање за ваучер од 23.000 денари со кој ќе можат да набават инвертер.

Министерството за економија огласот го објави во четвртокот и само за две дена се поднесени над 2.500 барања. Денеска според бројот на граѓани кои чекаат пред влезот на Министерството има најголема гужва.

Во буџетот на Министерството за економија за оваа намена се предвидени 4 милиони евра, што значи пари ќе има за околу 7.000 домаќинства.

Ваучерите ќе се делат по принципот прв дојден, прв услужен.

ПРЕПОРАЧУВАМЕ ФОТО: Во куќата на Таравар е пронајден куршум, полицијата на местото на настанот
Министерството за економија истовремено распиша и оглас за избор на фирми од каде граѓаните ќе можат да купат инвертер со добиениот ваучер.