Search
Search

Метеопрогнозерот Поповски: Подгответе се за силен јужен ветер, дожд и за Сахарска прашина и песок!

Топлиот метеоролошки феномен “Ел Нињо” ни донесе вистинска пролет во февруари, во срцето на зимата.

Стабилното, суво, сончево и пролетно топлото време ќе ни се задржи до крајот на оваа работна недела, вели во својата најнова анализа метеопрогнозерот Славчо Поповски

„Веќе од викендов влегуваме во циклонален, влажен и нестабилен период. Под влијание на циклонска активност од запад, очекуваме почести врнежи кои ќе бидат претежно од дожд и тоа поради јужното воздушно струење и топлото време“.

Поповски истакнува дека исто така очекуваме силен јужен ветер, како и Сахарска прашина и песок. Сето ова ќе предизвика особено кај метеопатите поголеми здравствени проблеми, што значи дека Биометеото ќе ни биде доста неповолно. Следната седмица многу променлива и со почести врнежи претежно од дожд. Снег барем засега нема на видик.

Тој вели дека многу појасна слика околу циклоналниот период кој е пред нас ќе имаме во следните денови.

„Тогаш очекувајте многу повеќе детали, и секако искористете го максимално ова сончево пролетно време во февруари“.

АКТУЕЛНО