Договорот за имплементација на анексот на договорот меѓу премиерот на Косово, Албин Курти и српскиот претседател Александар Вучиќ на 18 март во Охрид, наиде на бројни реакции кои се уште траат во ова земја.
Последниве денови се слушат различни толкувања на членовите од договорот и анексот. Поранешниот претседател на Уставниот суд на Косово, Енвер Хасани веќе даде толкување.
За Хасани, Косово во Охрид загуби, за Србите ќе има територијална автономија и дека можниот модел за Заедницата, според него, би можел да биде моделот на Јужен Тирол, додека според него, Вучиќ „ни се потсмева“.
Тој беше поканет во косовската телевизија Т7 и во текстот подолу можете да прочитате дел од неговите изјави за Охридскиот договор.
Договорот Курти-Вучиќ
За поранешниот претседател на Уставниот суд постигнатиот договор меѓу премиерот Курти и претседателот Вучиќ ги помести столбовите на државноста на Косово.
Хасани рече дека сега во овие околности Уставот станал ранлив.
„Оваа околност подразбира дека Косово конечно е навлезен во процес што ќе го направи ранлив материјалниот Устав што почна да се создава постепено во текот на процесот на дијалог уште порано, но сега го прави ранлив, бидејќи ги помести столбовите на основата на државноста на Косово”, – рече тој.
„Територијална автономија на Србите“
Хасани рече дека според анексот на имплементацијата на договорот, Косово треба да ја направи Заедницата како што е потпишана со договорот од 2013 година и дека тоа, според него, значи територијална автономија кон Србите.
„Ако договорот вели како што вели, сите страни и не е важно кои членови, бидејќи сите тие треба да се спроведат. Во него се вели дека мора да се спроведат сите договори. Тоа значи дека треба да се спроведе онаа од 2013 година, бидејќи не ја признава одлуката на Уставот“, со која одлука се укинаа многу членови од тој договор.
„Јужен Тирол“
Во меѓувреме, за моделот на Заедницата, Хасани изјави дека постои можност да спроведе според примерот на Јужен Тирол.
Тој ова го заснова велејќи дека италијанските дипломати ги зголемиле посетите на Косово и Србија и смета дека овој модел можеби е највозможен за спроведување.
„Италијанците ги зголемија своите посети во последните месеци. Јужен Тирол може да биде модел на Заедницата. Иако Италија има и други територии во неа, Јужен Тирол е најуспешен во Европа, заедно со Оландските Острови. – тој рече.
„Вучиќ ни се потсмева“
Понатаму, Хасани зборуваше и за точката четири од договорот, каде што вели дека Србија нема да го спречи Косово да влезе во меѓународните организации.
Во меѓувреме, во однос на прашањето за прием во Обединетите нации (ОН), Хасани рече дека ОН никаде не се споменуваат и дека српскиот претседател „ни се потсмева.
„Членството во ОН никаде не се споменува, тоа е фиктивно. Вучиќ ни се потсмева кога го спомнува тоа. И да претпоставиме дека Србија го признава Косово, повторно тоа не значи дека ни е загарантирано членство во ОН“. – рече тој.
