Стариот метод за „сушење“ на влажен телефон во ориз не е добра идеја, вели „Apple“. Компанијата неодамна објави цел документ за опасностите од чувањето на телефонот во ориз.
Во документ за поддршка, технолошкиот гигант рече дека чувањето на влажниот „iPhone“ во чинија со ориз „ќе дозволи малите честички од ориз да го оштетат вашиот iPhone“.
„Apple“ не ги елаборираше овие тврдења, но се смета дека предупредувањето има за цел да ја заштити компанијата од какви било потенцијални тужби кои произлегуваат од ситуацијата „Го ставив мојот iPhone во ориз и ми се скрши“.
@cbsmornings WARNING FROM APPLE: Rice does not help dry out iPhones, Apple says, warning users that the small particles could instead do more damage. #apple #iphone
Други трикови за сушење на „iPhone“, како што се памучни брисеви или фенирање, исто така не се препорачуваат, според тимот на „Apple“.
Наместо ориз, „Apple“ има други препораки
Нежно тапкајте го вашиот iPhone со раката, со усб-конекторот свртен надолу, за да го отстраните вишокот течност. Оставете го вашиот телефон на суво место со проток на воздух.
По најмалку 30 минути, обидете се да го приклучите на полнач со помош на Lightning или USB-C кабел.
Ако предупредувањето се појави повторно, сè уште има течност во телефонот. Оставете го вашиот iPhone на суво место со проток на воздух до еден ден. Во овој период, можете да се обидете повторно да го наполните. Може да потрае до 24 часа за целосно сушење.
Ако вашиот телефон се исуши, но сè уште не се полни, исклучете го кабелот од адаптерот и исклучете го адаптерот од ѕидот (ако е можно) – потоа вклучете го повторно.
Трикот со ориз функционира само до одреден момент. Неодамнешните тестови покажаа дека иако оризот апсорбира вода, тоа го прави толку бавно што неговите потенцијални придобивки во најдобар случај се занемарливи.
Сепак, времето е од најголема важност кога станува збор за борба против оштетувањето од водата. /Точка/
