Српскиот претседател присуствуваше на отворањето на делницата од Појате до Макрешан, која е дел од Моравскиот коридор, со кој се поврзува западот со истокот на Србија.

Членовите на српската влада со панорамски автобус ја минаа делницата од 16,8 километри, а на отворањето на автопатот присуствуваше и американскиот амбасадор во Србија, Кристофер Хил.

На самиот почеток од своето обраќање, претседателот истакна дека ова е голем ден за Србија.

– Денеска е голем ден за нас, дури и кога времето брзо минува и значи многу, кога ова станува само еден во низата важни настани, ова е голем ден. Затоа што и за 50 и 100 години луѓето ќе го возат овој автопат и ќе знаат кој им го направил. Времето е најголемиот господар, а генерацијата се оценува со дела. Нашите потомци ќе ја судат нашата трага, а јас со нетрпение го очекувам тој суд – рече претседателот Вучиќ и додаде:

– Работевме многу. Изградени се 7 мостови, три надвозници, потпорни ѕидови… Посебно му благодарам на човекот од Шри Ланка кој секој ден минува овде 24 часа. Тој се пресели во нашата Србија и заедно со 3.500 работници го направи ова. Ова не е мала работа, кога зборуваме за благосостојбата на луѓето што живеат овде, тие ќе ја почувствуваат преку посилна и помоќна индустриска зона, овој дел ќе го користат сите луѓе кои одат во бањата и на Копаоник. Покажавме дека можеме да работиме и да градиме и во тешки времиња. Зашто, како што вели Црњански, „треба да одиме во иднината, сите посреќни народи гледаат во иднината и си одат“. За неколку месеци ќе отвориме уште 10 километри до Кошево – рече претседателот Вучиќ.

Автопатот е најширок во Србија, а на речиси 17 километри автопат што денеска се отворени, има 7 моста, 3 надвозници, 6 столбови од плочи и 3 потпорни ѕидови.

Вкупната вредност ќе изнесува 740 милиони евра. Надзорот за Моравски коридор е проценет на 20 милиони е евра што е 2.7% од вредноста на автопатот.

За споредба, вредноста на надзорот коридоротите 8 и 10-д кај нас е 22,3 милиони или 1,69% од вредноста на договорот.

Споредба со други цени н чинење на надзорот во регионот:

· Изградбата на автопатот во Србија, Просек – Димитровград / Коридор 10, чинела 350 милиони евра, а надзорот – 19,24 милиони евра или 6 отсто од вкупната вредноста на автопатот.

· Автопатот Прњавор – Добој, во Босна и Херцеговина, чинел близу 199 милони евра, надзорот наплатил 7,43 милиони евра или 3,7 отсто од вкупната инвестиција.

· Автопатот Подгорица – Матешево ја чинел Црна Гора речиси 810 милиони евра. Надзорот за автопатот чинел 22,6 милиони евра, што изнесува 2,8 отсто од вкупниот износ.

· Изградбата на втопатот Решен – Калимаш во Албанија чинела 820 милиони евра, надзорот наплатил 15 милиони евра, или 1,8 отсто од вкупната инвестиција.