Секое трето дете во Македонија има проблем со говорот и јазикот, а аутизмот се наведува како главна причина, објави Ал Џезира.

Логопедите велат дека клучни за нивниот развој се раната интервенција, но и поддршката и прифаќањето од околината.

-Многу е важно заедницата да ги прифати овие деца. Сите велиме дека им пружаме поддршка, но никој не се става во нивна ситуација или во ситуацијата во која се наоѓаат нивните родители – вели клиничкиот логопед, Бојан Богдановски.

Здружението за аутизам проценува дека потешкотии во зборувањето имаат 20.000 лица. Недостасуваат официјални информации за оваа проблематика.

Преку поддршката на Владата за инклузија на децата со пречки во развој во образованието, околу 200 деца добиле образовен асистент. Но не е иста ситуацијата и во средното образование, каде образовен асистент имаат далеку помалку деца.

Извор: Фокус