Поранешниот полицаец М.Д. (51) ноќеска околу 1 часот наутро во Подгорица со пиштол ја убил својата сопруга, и 12-годишниот син. Потоа си пресудил самиот.

Црногорската полиција извести дека на местото на настанот увид направил државен обвинител. Убиецот бил поранешен полицаец, кој сега е во пензија, додека неговата сопруга работела во образование.

Според првите информации пиштолот со кој го сторил делото бил во приватна сопственост. На местото на настанот биле пронајдени уште две парчиња огнено оружје.

Полицијата се сомнева дека мотивот за двократното убиство е здравствената состојба на 12-годишното момче.