Скоро цела зима среде Скопје два коња се шетаат и пасат слободно по тревници и тротоари. Минувачите и возачите на автомобили секојдневно се соочуваат со два возрасни коња кои пасат околу тревникот  покрај тротоарите во скопското Кале. По се изгледа коњите се пуштат од нивните сопственици кои и живеат во околината на Кале.  Сепак тоа претставува ризик за возачите но и за самите коњи кои не се ни врзани.

Овој поглед на Скопје не е ни прв ни последен, скопјани често се соочуваат со напуштени коњи кои пасат низ скопските паркови. Често се случувало да

настрадаат коњи па и возила.

.

Минатата година коњ беше врзан за кука и влечен од возило во Скопје. За момент коњот паѓа по што возилото застанува, а од него излегуваат тројца луѓе за да го кренат по што продолжуваат да го влечат. За овој случај полицијата приведе тројца скопјани.

Исто минатата година спасен е  коњ кој бил врзан на тераса во Дебар маало и однесен во скопската зоолошка.

Откако на социјални мрежи се појавија фотографии од коњот како седи на тераса во напуштена куќа, екипи од Зоолошката градина, Агенцијата за храна и ветерина и полицијата почнале акција за спасување на коњот.

Инаку на скопските улици уште може да си наидеме на запрежни возила со коњи кои се користат за товар на железо, каучи или хартија.

Н.Ш