Четири жртви во Хрватска и по една во БиХ и Словенија е билансот од вчерашното невреме во регионот. Во Нови Сад дрво падна врз 12-годишно девојче, а силниот ветер соборил и 74-годишен маж од скутер, кој во свесна состојба бил пренесен во Ургентниот центар.

Заедно со нив десетици други, пак, се повредени од кои повеќето потешко.

Во невремето што вчера ја зафати Хрватска, животот го загубија четири лица, околу двесте се повредени, повеќе од 2.000 згради беа оштетени, а центрите на округот 112 примиле повеќе од 4.500 повици. Невремето зафати 14 жупании и градот Загреб, а повиците до жупаниските центри најмногу се однесуваат на невремето и неговите последици, соопшти денеска Дирекцијата за цивилна заштита.

Невреме пропратено со силен ветер и дожд со грмежи ја погодија синоќа и Србија. Делови од Војводина и Белград останаа без струја, а невремето предизвика штети на повеќе места. Аеродромот „Никола Тесла“ беше привремено затворен. Големото невреме, предизвика потешкотии во функционирањето на железничкиот сообраќај на некои делници. Во Белград силен ветер собори дрвја, а без струја останаа одредени делови од градот.

-Од Шабац е пренесен пациент кој паднал од покрив на куќа со скршеница на карлицата. Од Вршац, пациентот паднал и му пукнала слезината. Од цела Србија беа донесени во ВМА, каде што беа згрижени“ Сите тие, напоменува, се во стабилна состојба. „Ниту еден човечки живот не беше изгубен вчера во Србија, барем што се однесува до ВМА.- д-р Иван Марјановиќ, главен дежурен хирург .

Штета претрпеле и две основни училишта во Нови Сад. Срушен е кров на спортската сала на едно од училиштата.

Во Босна и Херцеговина едно лице загина, аеродромот во Бања Лука е затворен ветерот во Брчко корнел дрвја, кршел гранки, оштетил неколку автомобили, а се случиле и два пожари.

Жртви од невремето има и во Словенија. Едно лице загина откако врз него падна дрво во Блед, соопшти полицијата од Крањ.