Katy Perry, Martin Garrix и Lewis Capaldi доаѓаат во Приштина: Sunny Hill Festival 2026 со најсилна програма досега
Sunny Hill Festival 2026 годинава ќе се одржи од 31 јули до 2 август во Приштина, со програма која носи три дена настапи на големи светски, регионални и домашни музички имиња.
Еден од најголемите музички фестивали во регионот и ова лето ќе привлече илјадници посетители, меѓу кои традиционално има публика од околу 60 земји.
Светски имиња на главната сцена
Овогодинешното издание носи една од највпечатливите програми досега. Меѓу главните имиња се Katy Perry, Martin Garrix и Lewis Capaldi, а на фестивалот ќе настапат и Adam Port & Rampa од Keinemusik, PAWSA, Seth Troxler, Carlita, Blanco, Dhurata Dora, Ledri Vula, MC Kresha & Manifest, GJIN, Tyson O’Brien, EsDeeKid и бројни други изведувачи.
Со ваква програма, Sunny Hill Festival повторно се позиционира како една од најатрактивните летни музички дестинации во регионот.
Фестивал со европска препознатливост
Во изминатите години, Sunny Hill Festival беше домаќин на дел од најголемите светски музички имиња, меѓу кои Dua Lipa, Miley Cyrus, Calvin Harris, Shawn Mendes, J Balvin, Stormzy, Burna Boy, Bebe Rexha, DJ Snake, Black Coffee, Peggy Gou, Anyma, Fatboy Slim и Hardwell.
Фестивалот неколку пати беше номиниран меѓу десетте најдобри европски фестивали во категоријата Best Medium-Sized Festival на European Festival Awards, со што се вброи меѓу најпрепознатливите музички фестивали во Европа.
Три дена музика во Приштина
Поради близината на Приштина, Sunny Hill Festival претставува добра можност во еден викенд да се проследат настапи на некои од најактуелните светски музички имиња.
Покрај главната сцена, фестивалот нуди богата програма на уште неколку сцени, со поп, електронска музика, хип-хоп и други современи музички жанрови.
Влезниците се веќе во продажба
Влезниците за Sunny Hill Festival 2026 се веќе во продажба и се достапни онлајн преку официјалната веб-страница www.sunnyhillfestival.com, каде што може да се најдат и сите информации за програмата, распоредот на настапите и сместувањето.
