Старата скопска чаршија е уникатна затоа што e една од најголемите знаменитости на градот, трговски и културно-историски дел на Скопје, таа е комбинација од византиското, османлиското време и е една од најголемите на Балканот, рече за Градска.мк претседателот на Еснафите на Старата скопска чаршија, Бујар Дулови.
Тој за нашата редакција на местото каде што го водевме разговорот во Сули ан вели дека за развитокот на чаршијата низ историјата, нејзината културна вредност и занаетите кои биле застапени на просторот сведочат предметите изложени во Музејот на Старата скопска чаршија.
„Прво, погледнете каде се наоѓаме и ќе разбереме зошто е уникатна чаршијата. Имаме нешто што е и бизнис и старо, нудиме култура и ги пречекуваме луѓето широкоградно кои излегуваат од чаршијата задоволни, рече меѓудругото Дулови.
За тоа колку е чаршијата атрактивна за туристи, тој кажува дека се позитивно изненадени што надвор од летните температури имало туристи што ја посетувале чаршијата. Тој, кажува дека секој турист што влегол во државата регистриран или нерегистриран ја има посетено, што го прави ова место еден од бисерите на Скопје.
Прашан дали Европската унија и помага на чаршијата преку нивните проекти тој вели дека последниот проект колку што се сеќава е за промена на излозите на дуќаните за да изгледат автентично, но тука секогаш е јорганџиската улица именувана како „Европска улица“.
„Бидејќи Европската унија постојано донира и се грижи за чаршијата, затоа и една од улиците ја нарековме „Европска улица“, што е всушност попозната по чадорите. Ова година планираме да ја прошириме малку таа улица (сокак), на многу интересен начин, бидејќи членовите на еснафот имаат веќе контакти и се во преговори за да продолжи тој проект да биде финансиран од Европската унија“ – рече Дулови за Градска.мк.
Инаку „Јорганџиска улица“ во Старата скопска чаршија во 2018 година симболично беше инаугурирана во „Европска улица“.
Тогашниот евроамбасадор Самуел Жбогар, кој присуствуваше на инаугурациајата, рече дека симболичниот подарок – филигрански брош што и го подари златарот Селајдин Асани во Старата скопска чаршија, на високата претставничка за надворешни работи и безбедносна политика Федерика Могерини при нејзината последната посета на Скопје во септември, ја покажува за великодушноста на самите граѓани на Старата чаршија, но исто така покажува и за уметноста, вештините кои се негуваат во чаршијата.
За да ја изрази својата благодарност Могерини испрати благодарница до златарот, која му ја врачи Жбогар. Златарот Асани им се заблагодари на евроамбасадорот Жбогар и на Могерини и рече дека му и е мило што го наравил тој гест.
Во рамките на јавниот оглас “Проекти за локална и регионална конкурентност” во 2018, Европската унија за општина Чаир додели грант во висина од 820.000.00 евра администриран од Светската Банка, за реализација на инвестиции во туристичката инфраструктура со цел подобрување на туристичките капацитети.
Проектот „ Промоција на туризмот во Стара Скопска Чаршија„ ги опфати следните главни активности:
-Реконструкција на калдрмата во главната улица на Старата Чаршија. Со проект се предвидува да се реконструираат 1800 м2 калдрма;
-Реставрација на 75 дуќани во Чаршија во кои во минатото беа извршени неадекватни интервенции од страна на сопствениците и други субјекти и имаат деградирано културното наследство;
-Поставување на натписи по објектите;
-Поставување на тенди по објекти;
-Виртуализација на Старата Скопска Чаршија – Апликација за идентификација и опис на спомениците во Чаршија. Исто така оваа апликација предвидуваа и инсталација на апликација за мапирање на историските и културните споменици во Чаршија.
-Целосна сигнализација на Старата Чаршија;
-Организација на меѓународните конференции на граѓаните со Старата Чаршија и размена на искуствата во рамките на ревалитализација на ориенталните Чаршии.
