Општина Центар, заедно со Центарот за развој на Скопски плански регион започнуваат со реализација на проектот „Инвестиција во фотоволтаици, енергетска ефикасност, заштита на човекова околина и смарт табли за едукација на деца“.
Во проектот што ќе се реализира преку Бирото за рамномерен регионален развој учествуваат и општините Чучер Сандево и Чаир.
Општина Центар како лидер во проектите за енергетска независност ќе дава стручна помош, ќе координира и ќе ги контролира активностите при реализација на целиот проект.
-Според договорот две наши основни училишта ќе добијат фотоволтаични системи, смарт табли, ЛЦД проектори и друга пропратна опрема – соопштија од Општина Центар.